Over Aafsjlaag Zitterd (Euver Aafsjlaag Zitterd)

Bienao viefteen jaor geleëe begónne bie ein illustere hermenie in Zitterd mit ein sjoon lokaal in de Gats. Eesjte keer e paar man oppe veursjpeelmiddig, sjnel oetgebreid, vrouwluuj weggesjik. Eesjte vastelaovend: grote moele, eigewies en heel väöl sjpas, alleney in ei sjots rökske (de zeen d’rbie die höbbe noe nog kauw …..) Daonao oppe Sjpaansen toer mit plestikke toreero petsjkes. Lekker hel mit Duracel, es raose knien. Gans ‘t daak góng van de Mert aaf. Ein gans grote buun en väöl vuurwerk dat de verkeerde kantj oet góng! De buun hauf aafgebrent..

Dao krigste kal van consèr, Jackson Twintig, sjwarte piete in e vèttig jeske. Ghostbusters mit Prins Roel III en eesjte Kiejos is de klos consèr mit eine volle mert, sjnee, wèntj en raenge. Riddesj van de rónj taofel, neit die van de Phil. Sjaaksjpel mit Cyriel II Sjaake es tweede Marotteprins. Toen nog viefteen neit-Prinse, wovan oetèntjelik weier bienao neuge waal-Prinse. Mesjiens kump nog eine? Aafsjlaag Zitterd veur Toon! Ein houp guijes biejein geblaoze, in veierentwintig oer èllef keer oppe buun gesjtange. Gans Limburg gezeen, kepot mer voldaon. Sjöttefees, jeder jaor weier get angesj, altied oppe lètste menuut bedach. Meksikaans consèr bie de sjtadspomp mit eine riese REKS DILDO, waat eigelik ein kaktus moosj veursjtèlle. Toen weier get angesj oetgevraete. Ein mobiel podium! Bènne twintig menuute sjtroum van Joeri, leich van Joeri, Aprés Ski meziek, en sjnee oet Belsj, sjpas en lol.

Juni 2004 ’t grote moment. Honderd arransjemènten, väöl geregel en gevreigel, wobie d’r ouch nog 20.000 flesjkes beier, get partie sjneks, chinees en frit nao bènne zeen gewirk en de meiste van ós twintig kilo sjwaorder zeen gewore. Resultaat: oos ceedee “Nog eine van Sjeer!” De oetdrökking in d’n tittel van dees ceedee, ‘Nog eine van Sjeer ‘ haet geweun te maake mit get wat veer nog leiver doon es meziek make. Nog eine ? twee weurd, mer waal mit soms versjillende beteikenis. Veur ‘Nog eine’ kènste bienao alles invölle waatste mer bedènke kèns. ‘ Nog eine ‘ ein ekskuus bie luuj die ummer doosj hobbe en die altied ’t lètste zeen mit heivesj gaon. ‘ Nog eine ‘ sjpeele en dan sjei veer oet. ‘ Nog eine ‘ keer inzètte, dan lök ’t waal. Veer drènke os nog eine!