Z-Tillegram-2016

Sander van Goethem Sjtadsprins Marotte

Veer vènje ’t es Aafsjlaag Zitterd geweldig dat veer weier ein prins in ós midde höbbe! SANDER VAN GOETHEM wurt de 85e Sjtadsprins van Zitterd! Ziene hoogheid geit euver ’t Marotteriek regeiere es SJTADSPRINS SANDER I. Sander is al versjillende jaore ein gans gewaardeierd lid van Aafsjlaag Zitterd. Neit allein vanwaege ’t neit ónverdeinstelik besjpele van zien tuba, mer mit…

Jubilei Aafsjlaag Zitterd 2 x 11 jaor

  groepsfoto   In 2016 besjteit Aafsjlaag Zitterd alweier 2 x 11 jaor! Dit geweldige jubilei viere veer mit ein concertreis nao Berlin. Wat in 1994 begoosj mit ein paar jóngere die naeve ’t sjpele bie de Philhermenie ouch gaer op ein anger maneier meziek wouwe make, is oetgegruid tot ein kapel van 20 leje die in bènne en boetelandj haet opgetraoje en nog sjteeds op allerlei maneiere zeer actief is. Ein dènk is in al die jaore sjteeds geliek gebleve: veurop sjteit ’t sjpas belaeve aan ’t meziek make zelf, mer ouch ’t plezeier höbbe es gróp vrunj boete de meziek óm. In de aafgeloupe 22 jaor zeen d’r väöl hoogtepunte gewaes. Zo waar ’t Aafsjlaag Zitterd dat op de zaoterdig veur de vastelaovend de legendarische de Kios is de Klos-concerte organiseierde. Hieoet is ’t Kanón van ’t Balkón gegruid, dat jeder jaor oppe Mert in Zitterd doezende luu trèk en neit mee oet de Limburgse vastelaovend is weg te dènke. Daonaeve maakte Aafsjlaag Zitterd concertreize nao ónger angere  Paries, Mainz en Düsseldorf die legendarisch zeen, werde opnames veur ein aantal cd’s gemaak, en verzörgde Aafsjlaag Zitterd optraes in plaatsje wie Läöve, Amsterdam, Blaricum, Vlijmen en Kölle, mer ouch in väöl sjtae en dörpe die korter bie Zitterd in de buurt ligke. Ouch al haet Aafsjlaag Zitterd op väöl plaatsje in bènne- en boetelandj gesjpeeld, ’t sjpele mit de vastelaovend blif toch datgeine wo-op de  leje zich ’t meiste blieve sjpichte, zeker dit jaor wo-in veer Sjtadsprins Sander I in ózze kapel höbbe en veer 2 x 11 jaor besjtaon. Op nao 3 x 11 jaor!!!

Evenementen